93
Fâ‘ilâtün fâ‘ilâtün fâ‘ilâtün fâ‘ilün
1 Kaddimi itdi dü-tâ ‘âlemde bâr-ı ihtiyâr
Ref‘ olınsa ‘âlem içre olur idim bahtiyâr
2 Zahra gark olmuş bu haml eskalini bilmem nedür
Bu yük altında çekerim niçe züll ü iftikâr
3 Mahfilimiz nahv okursañ vireyim saña cevâb
Bir zamîri eylemiş terkîb içinde istitâr
4 Sen niçe ‘Ankâyı sayd idebilürsin dâmı çek
Kâf-ı cismiñ bâr-ı ‘aşk altında çek ıztırâr
5 Baglamış bendinden anı nâv-dâna üstâd
Seng-i tâhûn âb-ı cârîden niçe itsün karâr
6 Keydini yavı kılur rûbâh-ı dûn şîri göre
Bâtıl eyler hak zuhûr idende elbetde firâr
7 Vaz‘-ı nâ-ber-câ ile bâr olma halka Sıdkiyâ
Gelmesün hîç gerd ü gamdan hâtırıña igbirâr
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
