. . - - / . . - - / . . - - / . . –
1.Kadd-i mevzûnuñı yâd eyledi beñzer kâgaz
Şevk ile sînesine çekdi elifler kâgaz
2.Gam-ı hâlüñle siyeh nokta degüldür görinen
Dâglar yakdı yine cismine yir yir kâgaz
3.Bunca dem gitmez iken çîn-i cebîni anuñ
Göñli yazıldı idüp vasfuñı ezber kâgaz
4.Varma bâzâre meded miski ‘akîde alma
Korkarın kim sunalar destüñe bir zer kâgaz
5.Ne yazıldıysa ‘Atâyi gibi alnında görüp
Bir gün olur şerer-i kahruña mahzar kâgaz
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
