Fâ’ilâtün/ Fâ’ilâtün/ Fâ’ilâtün/ Fâ’ilün
 Remel: - . - -/ - . - -/ - . - -/ - . –
 
1 Kadd-i mevzûnun görenler didiler serv-i sehî
 Nâzenînüm ehl-i ‘aşkun sözlerin sanma tehî
2 El-amân ey çeşm-i hasret bir gice olsun n’olur
 Hâba varsan belki rü’yâda görürsin ol mehi
3 ‘Azm-i agyâr eylemiş reftâr ider gördüm yine
 Bir levendâne edâlı kanlı zâlim eşbehi
4 Görmezem hayli zamândur hasretin çekmekdeyüm
 Tûtyâdur gözlerümde hâk-i râh-ı dergehi
5 Gam yimezdüm ben de bu rütbe ferâmûş itmesen
 Gayrıya lutfun firâvân Yâver'e olsa gehî
 
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0