49
Mefâ‘îlün Mefâ‘îlün Mefâ‘îlün Mefâ‘îlün
1 Kabâdan vazgeldi dil bekâyiçün ‘abâ ister
Kalender olmada göñli anuñçün ol fenâ ister
2 Anuñçün istemez göñlüm halâs olmak muhabbetden
Beni ol bî-vefâ dâyim belâya mübtelâ ister
3 İşigüñe varup dil mihnet ister ey saçı Leylî
Hicâza varuban Mecnûn gibi derd ü belâ ister
4 Rakîbâ istemezüz kûy-ı yâra bir dahi gelme
Seni âhum diler tîg ile bu göñlüm gazâ ister
5 Sebât añlamaz ey Sun‘î bu ‘âlemden baka gördü
Anuñçün şimdi dil nûş itmege câm-ı fenâ ister
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
