Mefâ‘îlün Mefâ‘îlün Mefâ‘îlün Mefâ‘îlün
1 Kabâ-yı mâ’î içre sanmanuz ol âfet-i cândur
Sipihr-i tâli‘ümden kevkeb-i bahtum dırahşândur
2 Ya bir âyîne-i ‘âlem-nümâdur cism-i pâkî kim
Safâdan peykerinde sûret-i gerdûn-nümâyândur
3 Gören dir rû-yı âteş tâbını mâ’î libâs içre 3a
Nümâyân ma‘den-i fîrûzeden la‘l-i Bedahşândur
4 O nahl-ı nâz-perver var iken gülzâr-ı ‘âlemde 4a
Bilürler ehl-i dil mevzûnluk adı serve bühtândur 4b
5 Hirâs itse n’ola ol şûh-ı ezrak-pûşdan Âgâh 5a
Bilür bir fitnedür kim sûret-i Hakkdan nümâyândur
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
