Fâ‘ilâtün/ Fâ‘ilâtün/ Fâ‘ilâtün/ Fâ‘ilün
 
İtse tañ mı kâ'inâtı pür-ziyâ gülgûn kabâ
Oldı zîrâ matla‘-ı subh-ı safâ gülgûn kabâ
N’ola kılsam bülbülâsâ âh u feryâdum hezâr
Gülşen-i ‘îd içre itmez merhabâ gülgûn kabâ
Çak boyuñca ‘âşıkuñ kanına girseñ yaraşur
Gey münâsibdür saña ey bî-vefâ gülgûn kabâ
Cünd-i gam pâ-mâli olmazdum eger nûş eylesem
Câm-ı la‘lüñden şarâb-ı dil-küşâ gülgûn kabâ
Ravzi-i dil-hastenüñ hâlin sorarsañ ey tabîb
Dilde fikr ü zikri anuñ dâ'imâ gülgûn kabâ
 
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009