Mef‘ûlü/ Mefâ‘îlü/ Mefâ‘îlü/ Fe‘ûlün
 
İtmek dileyen cennet ü Rıdvân'ı temâşâ
Kılsun ser-i kûyuñda o cânânı temâşâ
Fark idemedüm ol meh-i tâbân ile hergiz
Farkuñda idüp mihr-i dırahşânı temâşâ
Kûyuñda benüm nâlelerüm gûş ide her kim
Gülşende ider bülbül-i nâlânı temâşâ
Pervâne yakar bâl ü perin şem‘a görünce
Cânın yakar itmezse eger anı temâşâ
Vâ‘iz dir imiş hûb seven cennete girmez
Ravzî ide billâh şu yalanı temâşâ
 
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009