-.-- / -.-
İsteyen leb-nemege kurbân-ı cânân olmasun
Rûz şeb virür şeker ‘aşk-ı civânân olmasun
‘Âşıka kalbi şefîk olsun o serv-i ser-keşüñ
Devrden ‘arz-ı ruh ile mâh-ı tâbân olmasun
Zîr-i pâyinde turâb olsam kadem basmaz geçer
Kimsenüñ yâri aman mihr-i dırahşân olmasun
Cismini mülk-i melâhatde mehüm olsun diyen
Nâzır-ı hûn-rîz-kâr-ı tîr-i müjgân olmasun
Humret-i çeşmi eser itmiş cemâl-i pâkine
Kimseler yâr-ı nez ü hem-bezm-i mestân olmasun
Bulmayan şöhret cihân içre meger ‘âşık degül
Mümteni‘ ‘âşık olup ‘âlemde destân olmasun
Sîneñi tasvîr-i hûbân itmeden dûr it Sa‘îd
Dil nazar-gâh-ı Hüdâdur kâfiristân olmasun
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
