İstemez dil bülbüli sen yüzi gülşen gülsitân
Her gül-i ahmer olursa la’lden bir âşiyân
Şol kadar âşıklarun gögsine dâg urmış gamun
Penbe olsa yitmeye ebr-i sefîd-i âsumân
Aks-i dendânun agarmış gözde saklarsam nola
Dürri âdetdür iderler penbe içinde nihân
Başda sevdâ-yı ruhunla cism-i zerdüm dir gören
Ucına âyîne konmış zer varaklu üstühân
Bâd-ı âh-ı Emriyi gördün niçün yildün didüm
Gösterüp yâr ef’i-i zülfin didi budur yılan
Fâ’ilâtûn fâ’ilâtûn fâ’ilâtûn fâ’ilün
Ahmet TANYILDIZ – “Tahran’da Bulunan Bir Şiir Mecmûası ve Neşredilmemiş Bazı Şiirler”, https://dergipark.org.tr/tr/download/article-file/265405-
