436
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Ser-fürû‘ gelmez piristû kısmına şeh-bâzdan
İsteme mihr ü mahabbet ol hümâ-pervâzdan
Beñzini sâz eylemiş ‘ışkın saña izhâr ider
Gör neler itdi zuhûr ol zâhid-i nâ-sâzdan
Gül yüzi üzre perîşân eyleyüp sünbüllerin
Bülbüline goncesin seyr itdürür açmazdan
Az yaş içre gözüm çok dökdi eşküm yılduzın
Görmedüm mihr itdügin ol mâh çokdan azdan
Serv-i bâgı seyr kıl reftâra ‘azm eyler yürür
Şîvesi başından aşmış yüriyimez nâzdan
Sen tururken sîne-i agyârı mecrûh eylemek
Añlanılmaz Ravziyâ ol çeşm-i tîr-endâzdan
Nev-cevânum gel ‘amel kıl lâzım olur bir gün ol
Kim şitâyiçün tedârükler gerekdür yazdan
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
