Mef‘ûlü Mefâ‘îlü Mefâ‘îlü Fe‘ûlün
1. ‘Işkuñ sanemâ mülk-i dile velvele virdi
Bîm-i hat-ı ‘anber-şikenüñ zelzele virdi
2. Serv-i çemenüñ kaddini bükdi kad-i nâzuñ
Şimşâd ile ol serv-i çemân elele virdi
3.3a Sâkî kadehe bâdeyi ben eşkümi dökdüm
Şevk-i ruh-ı pür-âli yine selsele virdi
4.4b Birbirine tayandı yine ‘ışk u hasen âh
Ol iki belâ-yı ezelî belbele virdi
5. Gîsû-yı siyehkâruñ üzüp rişte-i cânı
Sâz-ı nigehi düzmek içün teltele virdi
6. Sûfî bu gice meclise geldi seher üstü
Kulkul diyicek halk sebû kalkale virdi
7. Agyâr rakîbe haber-i vuslat uçurmış
Sen de baña vir sevdicegim elele virdi
8.88b Nev-beççe ‘Arab kâle fehel tetlubu vaslen
Lâ-te’emmelhü iş terâ helhele virdi
9. Ben âh iderem bâd-ı seher zülfüñi ohşâr
Sen reşk ile var es savur ol yelyele virdi
10. Kânî çün işledür felegüñ pençe-i râstı
Bahtuñda elin gördi kader şelşele virdi
Dr. İlyas YAZAR , K Â N Î D Î V Â N I, Ankara 2012
