246
- . - - / - . - - /- . - - /- . –
 
‘Işk derdinden durur ‘âlemde destân olduğum
Çeşm-i mestünden durur her lahza hayrân olduğum
Hâtırum cem’iyyet ister sâkiyâ sun sâğarı
Gam diyen zâlim elindendür perîşân olduğum
Gün gibi hercâyi bir meh-rûyı sevmişdür gönül
Ol hevâdandur bulutlar gibi giryân olduğum
Dâne-i hâlün yile virdi bu ‘ömrüm hâsılın
Kanı yolunda senün hâk ile yeksân olduğum
Ka’be-yi kûyun Revânî ko tavâf itsün tavâf
Hây Ka’bem hây kıblem hây kurbân olduğum
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8