Mefâ‘îlün Mefâ‘îlün Mefâ‘îlün Mefâ‘îlün
1. ‘İnân-ı ihtiyârum gitdi elden yârumı gördüm
Ayakdan kaldum ol serv-i sebük-reftârumı gördüm
2. Bugün bir seng-dil-i dildâr-ı bî-rahme dü-çâr oldum
Taş añdurdum dil-i dîvâneye kûhsârumı gördüm
3. Şikâf-ı sînede hâl-i dil-i pür-hûnı seyr itdüm
Belâ bezmindeki peymâne-i ser-şârumı gördüm
4. Bayılmış bir büt-i tersâ-fürûşa ‘aklın aldurmış
Yıkılmış rûz-ı mestîden dil-i hüşyârumı gördüm
5. Mukarrerdür kemend-i hâle-i âgûşa bend itmek
Bu şeb rü’yâda Kânî ol kamer ruhsârumı gördüm
Dr. İlyas YAZAR , K Â N Î D Î V Â N I, Ankara 2012
