Mefâ‘îlün Mefâ‘îlün Mefâ‘îlün Mefâ‘îlün
1. İdersin da‘vi-i ‘irfân ammâ şâhidüñ var mı
Cenâb-ı Hakka lâyık bir zamîr-i ‘â’idüñ var mı
2.2a Rakîbâ âşinâlıkda iderseñ yâra ma‘fuvsın
Senüñ var nisbetüñ bi’n-nisbe ammâ zâhidüñ var mı
3. İdersin vuslat-ı yâre liyâkat iddi‘âsın hep
El alduñ mı birinden bir mu‘ayyen kâ’idüñ var mı
4. Tutuldum bir perî-rûya deyu lâfuñ degül mesmû‘
Şikâr oldum sanursın kendüñ ammâ sâ’idüñ var mı
5. Hemân taklîd ile girmek mi istersin sen ol bezme
Nihân-hâneñde Kânî yohsa hâl-i zâ’idüñ var mı
Dr. İlyas YAZAR , K Â N Î D Î V Â N I, Ankara 2012
