Harfü’z-zâ
87.
.--- / .--- / .--- /.---
İderse Hak ‘inâyet bendesin eyler hemân mahzûz
Olur manzûr-ı Bâri bir dem içre bî-gümân mahzûz
Neden eyâ cihânda münkesir erbâb-ı dildür hep
Bulup nev-devlet-i ikbâl-i çarhı kaltabân mahzûz
Dönerdi ‘aks-i kâm meşreb-i nâ-ehle bu devrân
Nigûn-ı ‘izzet-i agyâre olsa âsumân mahzûz
Niçün konmaz ‘aceb ‘ankâ-yı devlet âşiyânına
Niçün mihr-i sa‘âdet tâli‘ olmaz kâm-rân mahzûz
Nice olmaz Sa‘îdâ mübtelâ-yı bezm gamlardan
Bu Rızâ şi‘ridür gûş eyleyen âteş-demân mahzûz
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
