58.
. - - - / . - - - / . - - - / . - - -
 
1.İden te’sîr yâre dildeki tugyân-ı âteşdür
 Göñülden göñüle yol var o da sûzân-ı âteşdür
2.Söyünmez âteşi ‘aşk ehlinüñ hâk-i mezâr ile
 Dil-i zârı gömilmiş ahker-i pinhân-ı âteşdür
3.Niçün hiddetle âteş-pâre oldı şem‘-i bezm-ârâ
 Ne var pervâne de bir gicelük mihmân-ı âteşdür
4.Sakın deryâ-yı ‘aşka girme sen döymezsin ey zâhid
 Semenderdür bunuñ mâhîleri ‘ummân-ı âteşdür
5.Dil-i pür-gam ‘Atâyî çekdi esbâb-ı safâdan el
 Konılmaz gayrı kâlâ bunda kim dükkân-ı âteşdür
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994