120
Fâ‘ilâtün Fâ‘ilâtün Fâ‘ilâtün Fâ‘ilün
1 ‘İbret alurlar felekler nâr-ı âhumdan benüm
Ejdehâlar dem urur dûd-ı siyâhumdan benüm
2 Ben şarâb içdüm günâh itdüm kerem kıl sâkiyâ
Sûfiye sun câm-ı mey geçsün günâhumdan benüm
3 Mihr sanma görinen ey dil bu çarh-ı zâlimüñ
Od yanar başında âh-ı subhgâhumdan benüm
4 Ş’ol kadar içdüm mey-i ‘ışkuñ gelenler kabrüme
Mest yata haşre dek bûy-ı giyâhumdan benüm
5 Ka‘be-i kûyında Sun‘î Eşrefoglı Ahmedüñ
Nûrdan göke ‘alemler çıkdı âhumdan benüm
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
