[54]
Fâ`ilâtün Fâ`ilâtün Fâ`ilâtün Fâ`ilün
1 Hüsn-i Yûsuf `âlem-i zâhirde oldıysa sabîh
Sûret ü ma`nîde olduñ sen sabâhatle melîh
2 Zahm-ı nâ-sûzını bihbûd-ı ezel itdi yine
Tîg-i gamzeñ sînesin her kimüñ oldıysa cerîh
3 Her seher yüz sürdügiyçün âsitân-ı kadrüñe
Mihr-i `âlem-tâb ile hem-hâne olmışdur Mesîh
4 Vasf-ı şân-ı hüsnüñüñ hakk-ı edâsın virmege
İki `âlemde kanı ta`bîrine kâdir medîh
5 Dürr-i dendân u leb-i la`lüñi ta`rîf ideli
Nazm-ı Nâmî-i kemîne oldı gitdükçe fasih
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
