[mef˓ūlü / fā˓ilātü / mefā˓/lü / fā˓ilün]
1 ḫūn-ābe-yi sirişkle eyler şarāb baḥs
sūz-ı dilimle eylemesin mi kebāb baḥs
2 āġāz edip nevāya pes-i perdeden meger
˓uşşāḳ nālesiyle edermiş rebāb baḥs
3 bezminde çoḳ döküldü ṣaçıldı o gül-ruḫuŋ
ḫoy-kerde ˓ārıżıyla edince gül-āb baḥs
4 seng/n-nihād iken ruḫu ḫacl ile sürḫ olur
la˓l-i lebile etdigiçün la˓l-i nāb baḥs
5* mümkin midir ki raḫne-yi dilden rehā bula
dür dişleriyle eyledi dürr-i ḫoş-āb baḥs
6 ḫaṭṭın görünce muġ-beçe-yi āteş/n-ruḫuŋ
ṣandım Mecūs ile eder Ehl-i Kitāb baḥs
7 besdir bed/he-gūluġu ilzāma der-˓aḳab
etse kimiŋle Vehb/-yi ḥāżır-cevāb baḥs
Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012
