307-
Fe`ilâtün Fe`ilâtün Fe`ilâtün Fe`ilün
1 Hücreme geldi benüm ol boyı Tûbâ ahşâm
Baña keşf oldı hemân nükte-i “tûbâü’ş-şâm”
2 Baña dil-ber sever ol diyü varuñ ta`n itmeñ
Âdemi aldamasun mı sanem-i sîm-endâm
3 Bir fakîrem baña bu ta`n u melâmet ne revâ
`Aşk idüpdür niçe sultân-ı be-nâmı bed-nâm
4 Dem-be-dem kanum içer sâkî-i bezm-i hicrân
Vara mâdâm ki agyâr ile yâr içe müdâm
5 Şi`r-i pür-sûzumı seyr itse Ziyâ’î Hüsrev
Odlara yakmaga dîvânın iderdi ikdâm
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
