Fāʿilātün fāʿilātün fāʿilātün fāʿilün
Ḫoş görür benden raḳībi raḥm idüp cānān aña
Nice ḳatlansun bu yürek nice disün cān aña
ʿĀşıḳuñ ḥaḳḳında çoḳ söz söyler inanma raḳīb
ʿĀdet olmışdur cihānda dōstum bühtān aña
Dil marīżine lebüñden eylemezsen ger ʿilāc
Ḥikmet ile çāre bulmaz olsa biñ loḳman aña
Atsa ġamzeñ tīrini cān pūtesine ḳāşlaruñ
Gösterür dil daẖi cānā cevher·i peykān aña
ʿAḳl·ı küll ü dānīş ü ʿilm ulū'l_el_bāb bāb
Görmese ḥüsnüñ kitābından dirüz nā-dān aña
Her seḥer bād·ı ṣabā bāġ·ı cihānda dil-berüñ
Zülfine urduḳça şāne misk ider efşān aña
Ṣafḥa·i ḥüsninde başlamış vefā resmin yazar
Lāciverd ile yed·i ḳudret ẖatt·ı reyhān aña
ʿIşḳ meydānında ṭop olsa güneş olmaz ʿaceb
Kim ḳamer her dem hilālinden ṣunar çevġān aña
Dil dilermiş ʿīd·i vaṣluñçün kemān ebrūlaruñ
Çoḳdan itdüm dōstum ben cānumı ḳurbān aña
Ḫaṭtuñ inşāsın ẖadüñ üstiñde kim yazdı ʿaceb
Kim kirāmen kātibīn olmışdurur ḥayrān aña
Yollar üzre Mihrīnüñ her dem görür ẖāk oldıġın
Bir naẓar ḳılmaz nedür cürmi ʿaceb sulṭān aña
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
