37
(Fâilâtün Fâilâtün Fâilâtün Fâilün)
1 Hokka-ı macûn-ı kırmız-reng-i rindândır kadeh
Pûte-i kibrît-i âhmer dense şâyândır kadeh
2 Çeh çeh-i bülbül sadâ-yı kulkul u gülşen-i bezm
Nev-nihâl-i gül surahî verd-i handândır kadeh
3 Pâdişeh-meşreb eder hengâm-ı nûşîde dili
Tuhfe dest-âvîz-i Cem’dir tâc-ı şâhândır kadeh
4 Hâtemâsâ zîb-dest-i bezm-i nûş-â-nûş olur
Tamla yâkût-ı şarâba bir nigîndândır kadeh
5 Haşmetâ rûh-ı revândır râh bilmem bâdeyi
Vakt-i ser-şârı ümîde kâleb-ı cândır kadeh
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
