Hızr-ı cân coz câm-ı la‘let âb-ı hayvân istemez
Cennet-i vaslundan ayru ehl-i dil cân istemez
Küfr ü îmândur ruh u zülfün çü bilmez müttakî
Sünbülün ser-halkasında küfr ü îmân istemez
Ey visâlün derde dermân ey yüzün dârü’l-hulûd
Derdi dermânsuz gönül vaslunda dermân istemez
Gerçi tökdi kanumı ışkunda aynun gamzesi
Gâret ü kasd-ı dil ü cân eyler ol kan istemez
5. Fâilün mâhiyyetin bilmez fakîh-i bî-haber
Zât-ı bî-mislün sıfâtın kalb-i vîrân istemez
Makdem-i vaslunda cân şükrâne vâcibdür bugün
Çün gönül tahtında senden özge sultân istemez
Ey boyun sidre lebün aynen tüsemmâ selsebîl
Sâlik-i reh-rev bu şerhe nakl-ı Kur’ân istemez
Cennet-âbâd-ı ser-i kûyundan ayrug tâ ebed
Ravzanun bâgında zâhid hûr u rızvân istemez
Çün Hakîkî câm-ı la‘lünden içer yek cüra mey
Hızr-ı ışkun çeşmesinden âb-ı hayvân istemez
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
