331
- . - - / - . - - /- . - - /- . –
 
Himmetünle sûfiyâ gitdük yine hum-hâneye
Biz metâ’-ı zühdi satduk bir iki peymâneye
Çoğ iş eyler zülfün el altından ey meh şâneye
Tokınur nâzüklik ile leblerün peymâneye
Çenber-i zülfin ‘alâmet kıldı çeşmi la’line
Halka asmak ‘âdetidür kâfirün mey-hâneye
Rûşen olsa mihr-i rûyunla yıkık gönlüm nola
Pertev-i hûrşîd ey meh-rû girer vîrâneye
Şem’e din germ olmasun âhir gelür ortaya ol
Devr-i hüsninde nice dil uzadır pervâneye
Gördügi hûba Revânî yine ser-hoşlık satar
Hem-kadeh olmış meger sen gözleri mestâneye
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8