594
Fe‘ilâtün/ Fe‘ilâtün/ Fe‘ilâtün/ Fe‘ilün
Haste ol ister iseñ derdüñe dermânları
Hikmet ile getür ayaguña Lokmânları
Ey kamer-çihre firâkuñda kıyâmet koparup
Gözlerüm dökse ne var encüm-i rahşânları
Zen-i dünyâya mahabbetler idüp sencileyin
Sûfiyâ sevmeyelüm mi güzel oglanları
Yüzüñi ayagı topragına sür ‘ârif iseñ
Çeke gör gözlerüñe kuhl-ı Sıfahânları
Ravziyâ ‘âleme esrârumı fâş itdi benüm
Oda yansın göreyin defter ü dîvânları
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
