Hicrânuñ odından yüregüm karara yandı (709/1)
Ayrulıguñ-ıla cigerüm kana boyandı
Cân fürkatüñüñ derdi-y-ile düşüp ölürdi (709/2)
Lîkin girü vasluñuñ ümîœi-y-le tayandı
Ger karara yana ne c
aceb lâle bigi_ol kim (709/3)
Sinüñ bigi gül yüzlü firâkı-y-la karandı
Göñlüme didüm olma saçı bendine fitne (709/4)
Dîvâne olan kişi nice işide pendi
İrişdi yakiñ Hızr bigi Âb-ı hayâta (709/5)
Her kişi ki bir kez lebüñüñ kandına kandı
Zülfüñ hevese kıldı perîşân beni yâ-Rab (709/6)
Kim düzdi göñül boynına halka bu kemendi
Şîrîn lebüñi zikr ideli Ahmedî anuñ (709/7)
Her kanda ki söyler hacil itdi sözi kandı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
