Mef‘ûlü Fâ‘ilâtü Mefâ‘îlü Fâ‘ilün
1 Hiç sorma mübtelâlarun ahvâli bellidür
Sen bî-vefâya dil virenün hâli bellidür 1b
2 Gördük kitâb-ı hüsnini tâ âhırına dek
Mazmûn-ı ser-güzeşt-i hat u hâli bellidür
3 Dâgından anla ehl-i dilün hasb-ı hâlini
Remmâl-i ‘aşk kur‘asınun fâlı bellidür
4 Mir’ât-ı şerr u hayr-nümâdur zamânemüz
Dikkat olunsa herkesün ahvâli bellidür
5 Mümtâz ider mülâyemet-i tab‘-ı âdemi
Hindün ne denlü sâde ise şâlı bellidür
6 Çarhun sayılmaduk nesi kaldı hesâbda
Bir rûz-nâmedür ki meh ü sâli bellidür
7 ‘Asrında Bâyezîd ise korlar mı hâline
Âgâh şehrî Âmidün etfâli bellidür
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
