Hevâsı zülfüñüñ yigdür baña tende revânumdan (528/1)
Lebüñüñ zikri şîrîn-ter dil ü dîn-ile cânumdan
Hilâline kaşuñuñ ben gümân-ıla kemân didüm (528/2)
Hacil olup kemân bigi bekledüm kej-gümânumdan
İ niçe kanlar ki_içdi gözüñ kim kanmadı kana (528/3)
İçüp sîr-âb ola mı kim benüm bu kuşça kanumdan
Eger biñ yıldan ugrarsa benüm topraguma itüñ (528/4)
Alalar mihr kahusın çürimüş üstühwânumdan
Senüñ ışkuñda göñlümi görüp vîrânedür diyen (528/5)
Anuñ-çundur ki gâfildür benüm genc-ile nihânumdan
Benefşe bigi olursa revâdur dilüm ü başum (528/6)
Eger gül yañaguñ zikrin giderürsem lisânumdan
Gül-istânını görse-y-idi benüm dîvânumuñ Sadî (528/7)
Diye-y-di Ahmedî revnak giderdi Bû-sitânumdan
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
