fe’ilâtün mefâ’ilün fe’ilün
Her yire Bursadan irer behre
Güveneyin bunuñ kimi şehre
Gün kimi âdemîsi rûşen-dil
Dil-rübâsı kamu kamer-çehre
Kendü firdevs bâgına beñzer
Cûy-ı bâgı iremdeki nehre
Âb-ı hayvâna beñzeden suyını
Çeşme-i Hızrı beñzedür zehre
Zühre hoş-h·ânlarınuñ âvâzın
İşidüb gökde çâk idüb zehre
Rûşenînüñ du’âsı bu her dem
Virdügince Hudâ şeref dehre
Yâ Latîf eyle lutfuñı izhâr
Bursayı mazhar eyleme kahra
Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni,
