[fā˓ilātün / fā˓ilātün / fā˓ilātün / fā˓ilün]
1 her sözünde olsa biŋ dürlü yalanı şā˓iriŋ
setr eder ˓aybın yine ḥüsn-i beyānı şā˓iriŋ
2 bār/ üstünde sipāh/lik bulunmazsa daḫi
bir ḳılıç tımārdır tıġ-i zebānı şā˓iriŋ
3 bü˒l-˓acebdir kim olurken ekseri maḥbūb-dost
bikr-i mażmūnu sever ṭab˓-ı civānı şā˓iriŋ
4 ṭa˓n ederler bāde vü maḥbūba meyl ü şevḳine
ḫalḳ inṣāf eylemez mi yoḳ mu cānı şā˓iriŋ
5 ḫānumān-ı ˓ırż u nāmūsu yaḳar bir hicv ile
el-ḥaẕer şiddetli āteşdir lisānı şā˓iriŋ
6 cevher olsa sāde vezn ile çekilmez ṭoġrusu
naẓm-ı nā-senc/de-yi ṭab˓-ı girānı şā˓iriŋ
7 Vehb/-yi zārıŋ efendim ġayrı dest-āv/zi yoḳ
yā ġazeldir yā ḳaṣ/de armaġanı şā˓iriŋ
Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012
