592
Mef‘ûlü/ Fâ‘ilâtün/ Mef‘ûlü/ Fâ‘ilâtün
Her şeb felekde yanar ey dil kamer çerâgı
Şeb-rev olınca ister ehl-i sefer çerâgı
Ey zâhid ehl-i ‘ışkı ta‘n âteşiyle yakduñ
Hayr ehli olmayanlar niçün yakar çerâgı
Âyâ neden irişür noksân her ayda mâha
Mihrüñ yanar dem-â-dem dünyâ deger çerâgı
Deryâ-yı eşküm içre ‘ışk âteşine yandum
Bahr-ı muhît içinde yanar güher çerâgı
Bezm-i mahabbetüñde lâzım degül aña şem‘
Sen mâh-ruh yanında Ravzî n'ider çerâgı
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
