148.
 . . - - / . . - - / . . - - / . . –
 
1.Her makâmı nice bir geşt ü güzâr eyleyelüm
 Varalum menzil-i maksûda karâr eyleyelüm
2.Varalum tîr-i nazar cezbe kemendin salalum
 Düşürüp bir gözi âhûyı şikâr eyleyelüm
3.Derd-i ser virdi seher bâde-i hicr-i cânân
 Mey-i la‘liyle yine def‘-i humâr eyleyelüm
4.Sâkiyâ sun kadehi mest-i ser-endâz olalum
 Nâm u neng adını yâd itmege ‘âr eyleyelüm
5.Ey ‘Atâyî varalum mey-gedeye ‘işret içün
 Mutrıb-ı bezm ile bir kavl ü karâr eyleyelüm
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994