Her kişi kim baha binüm gözlerümüñ yaşına (618/1)
Bile kim âşık nice_olur gözlerinüñ yaşı ne
Her küdûretden safâ bulup nicesi ola nûr (618/2)
Şem bigi yanuban gark olmayan kan yaşına
Yaşına kılma aceb gözlerümüñ ki_ayrılmışam (618/3)
Bir kişiden ki_anı gün görse hayâdan yaşına
Ömri sen gül yüzlüden ayrılanuñ lâle sıfat (618/4)
Yile varur vây anuñ ömrine vü yaşına
Şöyle kim şem od u su içindeyem rahm it benüm (618/5)
Dudagumuñ kurusına gözlerümüñ yaşına
Ben nice sabr ideyim kim düşse hicrüñe senüñ (618/6)
Gün sarara kaygudan şöyle ki bedr ay aşına
Kan yudar ayrulıguñdan şem bigi Ahmedî (618/7)
Kandan artuh âşıkuñ bârî dahı suyı_aşı ne
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
