Fe`ilâtün fe`ilâtün fe`ilâtün fe`ilün
1 Her kimün neyyîr-i ikbâli ola tâbende
Devlete mâlik olup nâmını kor pâyende
2 Devr iden câm-ı gam olunca tarab nice olur
Tutalum zühre ola bezmimüze sâzende
3 Taglar bâr-ı gam-ı `aşka tahammül itmez
Ne kadar tâkat ola ey dil-i şeydâ sende
4 Hoş gelüp bâg-ı cinân gibi harîm-i kûyun
Unudur gitmegi bir dahı gören âyende
5 Sevdi pîrâne-ser ol lâle-`izârı Yahyâ
Kış güninde ne kadar hazz olına gülşende
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
