Mef`û lü mefâ`îlü mefâ`îlü fa`ûlün
1 Her katre-i eşküm ki akar kan arasında
Lü'lü' gibidür subha-i mercân arasında
2 Zülf-i siyehinden kesilür mi dil-i şeydâ
Bir râbıtadur cân ile cânân arasında
3 Olmakda güzellikde o meh Yûsuf-ı sânî
Bir fitne kopar korkarın ihvân arasında
4 Fasl itmese aralarını hançer-i hicrân
Gavga uzanurdı ten ile cân arasında
5 Yahyâ beni mi buldı hemân kâfir-i zülfi
Bend eyleyecek bunca müselmân arasında
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
