137
Fâ‘ilâtün Fâ‘ilâtün Fâ‘ilâtün Fâ‘ilün
1 Her benek câmeñde bir âyînedür ey sîm-ten
Aks-i ruhsârumdur ol âyînelerde görinen
2 Zer benek sanur görenler dâg-ı sînem ‘aksini
Bir mücellâ câme geymiş yine ol sîm-ten beden
3 Sen mehi seyr itmege câmeñ ser-â-ser oldı göz
Görinen altun benekler sanma ey şîrîn-dehen
4 Sanuram cennetde bir tavûsdur cevlân ider
Seyr ider görsem bu câmeyle anı kûyında ben
5 Sun‘iyâ cân gülşeninde tâze güller açılur
Giyse ol serv-i revân altun beneklü nîm-ten
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
