Mefâ‘ilün Fe‘ilâtün Mefâ‘ilün Fe‘ilün
1 Hemîşe sanma gönül câm-ı ergavân çekilür
Gehî şarâb u gehî kâse kâse kân çekilür
2 Figân ki ol meh-i âteş mizâcı gördükde
Dehânda gonçe-sıfât şu‘le-i zebân çekilür
3 Beni hayâl-i kadün şöyle nâ-tüvân itmiş
Ki hâme gibi vücûdumda üstühˇân çekilür
4 Gönül bir âfet-i dehrün şikârı olmuş kim
Hadeng-i gamzesi havfından âsmân çekilür
5 Bu gülşenün nesine ragbet eylesün dil kim
Ne mihnet-i gül ü ne cevr-i bâgbân çekilür
6 Gurûr-ı tab‘ ile lâf urma şi‘rün Âgâh
Hazer ki bir gün olur tîg-ı imtihân çekilür
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
