Nazîre
 [Fâ’ilâtün Fâ’ilâtün Fâ’ilâtün Fâ’ilât]
− · − − / − · − − / − · − − / − · −
 
1 Hem-ser olmaz serv-i mevzûn kaddüñe reftârsız
 Kanda beñzer şehd-i şîrîn-la’lüñe güftârsız
 Gülşen-i kûyuñ ser-â-ser seyr idersem dâyimâ
 Nola eglemez göñül sen serv-i gül-ruhsârsız
 Beklesem kûyuñ seni seyr itmege dâyim nola
 Bülbül-i zâr olımaz gülsüz dahı gülzârsız
 Neylesünler kûyuñı ‘uşşâk sensiz iy nigâr
 Cennet ehli cennete râzî midür dîdârsız
5 Hicrüñüñ bîmârıdur lutf eyle vasluñ şerbetin
İy tabîb-i cân bu Nazmî kalmasun tîmârsız
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr