mefâ’îlün mefâ’îlün mefâ’îlün mefâ’îlün
1 Nigâhuñ gerçi kim bir düzd-i mâhirdür çalar çarpar
Hele Tâtâr-ı gamzeñ gibi nâdirdür çalar çarpar
2 Hayâlüñ kim şebîhûn-ı dil eyler fitne-i zülfüñ
Kemend-endâz bir ‘ayyâr-ı sâhirdür çalar çarpar
103
3 Sakın yol virme zâhid hâne-i kalbe burup çehreñ
Metâ’-ı dîni ol perrî ne kâfirdür çalar çarpar
4 Devâvîn-i sühan-sencândan mazmûn-ı ebyâtı
O kim bir nev-heves nâ-puhte şâ’irdür çalar çarpar
5 O tîg-i ebruvânla Pertev-i pür-zahmuñı hâke
Nigâhuñ Kahramânî darba kâdirdür çalar çarpar
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
