Mefâ`îlün mefâ`îlün mefâ`îlün mefâ`îlün
1 Hayât-ı tâze buldı yine `âlem nev-bahâr oldı
Güzellendi çemen bir lâle-hadd ü gül-izâr oldı
2 Gehî eyler tebessüm bülbüle gâhî ider hande
Çemende gonce bir mahbûb-ı şûh-ı şîvekâr oldı
3 Inen üstüne düşme `andelîbâ münharîf itme
Ki şöyle nâzük oldı nahl-i gül kim bergi bâr oldı
4 Bu nakş-ı hûbı bülbül gördi âheng-i nevâ itdi
Bu tarz-ı tâzeyi seyr itdi cûlar bî-karâr oldı
5 Kenâr-ı cûdaki her seddi söyletsen eger Yahyâ
Zebân-ı hâl ile dir mevsim-i seyr-i kenâr oldı
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
