Hayâl-i yârdan dûr olsa bir dem cânım eglenmez
Ne çâre hâtırım vîrânedir sultânım eğlenmez
Olur dil gâh-ı tîr-i âha geh şîr-i gama menzîl
Benimle yek-nefes hoşnûd olup mihmânım eğlenmez
Nedir kasdı o bî-insâfın ey peyk-i ecel söyle
Demez mi böylelikle haste-i hicrân"m eğlenmez
Demâdem gözlerimden la’l-i yâkût eylerim peydâ
Cevâhir pâresiz tıfl-ı dil-i giryânım eğlenmez
Serencâmı pül-i şemşîrden geçmek midir bilmem
Bekâ iklîmin özler cân-ı bî-sâmânım eğlenmez
Anınçün cilve-gâh-ı âh u âlem arşdır Gâlib
Dil-i Cibrîl eger gûş etmese efgânım eglenmez
https://ekitap.kulturturizm.gov.tr/Eklenti/10654,metinpdf.pdf?0
