[88]
Mefâ`îlün Mefâ`îlün Mefâ`îlün Mefâ`îlün
101
1 Hayâl-i kâkülüñden dilde efkâr-ı müşevveş var
Gören dir ıztırâbumdan başuñda yanar âteş var
2 N`ola dest ü girîbân olsa dil zülf üzre şâneñle
Resen-bâz-ı hevâñı kılmaz âsûde keş-â-keş var
3 Musavverdür hayâlüñle ser-â-pâ ey sanem seyr it
Göñül dirler ser-i kûyuñda bir deyr-i münakkaş var
4 Helâkiyem nigâh-ı gamze-i mestüñ ki ünsüñde
Süzildükçe beni bî-tâb ider sahbâ-yı bî-gaş var
5 Nice halvet-zede bî-hûş-ı künc-i mihnet olmayam
Uçar hüsn-i hayâlüñ dîdede dil-keş perî-veş var
6 Virilmez hükmi keyf-i bâde-i bezm-i niyâzuñ çün
Yüri ey mest-i mâder-zâd-ı nâz ey türk-i ser-keş var
7 `Aceb hâlîligine geldüñ ey Nâmî harâbâtuñ
Ne pîr-i `âlî-himmet ne cüvân-ı rind-i mey-keş var
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
