Hatt-ı ruhuñ zuhûr ideli gitdi hâletüñ

 
Harfü’l-kâf
99.
--. / -.-. / .--. / -.-
Hatt-ı ruhuñ zuhûr ideli gitdi hâletüñ
‘Ankâ-yı kûh-ı Kâfa dönüpdür melâhatüñ
Hüsnüñ zevâli virmişe beñzer keder saña
İnkâra yok mecâl belürdi melâletüñ
Aldukca nakd-i dilleri hüsnüñ kefil itmiş
Yazıldı işte hatt-ı rûyuña kefâletüñ
32b.
Tutdı beyâz rûyuñı hep hatt-ı tîre-reng
İtdi siyâh bir necm hurşîd-i tal‘atuñ
Mensûh-ı hüsn nüshasını kâtib-i kazâ
Nakşın çıkardı rûyuña hatt-ı siyâkatüñ
Didüñ bu şi‘r-i hüsni zevâl ile ey Sa‘îd
İrdi dimâg-ı ‘âleme bûy-ı fesâhatüñ
 
 
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636