Fâ’ilâtün/ Fâ’ilâtün/ Fâ’ilâtün/ Fâ’ilün
 Remel: - . - -/ - . - -/ - . - -/ - . –
 
1 Haste-i bî-tâb-ı ‘aşkam hâtırum sormaz mısın
 Nâzenînüm ‘ahdüne peymânuna turmaz mısın
2 Şeh-süvârum çek ‘inânın tevsen-i reftâr-ı teng
 Esb-i nâzun pek hırâmân eyledün yormaz mısın
3 Hat gelince bir dakîka bend-i sînen açmadun
İşte ahşam oldı artık sâ’atün kurmaz mısın
4 Lutf u ihsânun zamânında bana ey tıfl-ı nâz
 Dest-i cevrün ile bin seng-i sitem urmaz mısın
5 Yâver-i derd-i derûnum ol tabîbüm gel amân
 Haste-i bî-tâb-ı ‘aşkam hâtırum sormaz mısın
 
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0