Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Hânmânın ‘âşıkuñ gam düzdi vîrân eylemiş
Göñli gencinde ne kim varise tâlân eylemiş
Tîr elinde geçdi urmadı baña kâfir rakîb
Şöyle beñzer ol sanem anı müselmân eylemiş
Jâleden kandîl uyarmaga çemende ‘ankebût
Ey perî-ruh târdan mühr-i Süleymân eylemiş
Üstühân-ı serde görinse ‘aceb mi handesi
Hokka agzı Leyli’nüñ Mecnûn’ı hayrân eylemiş
Bikriken gülşende hamli zâhir olmış goncanuñ
İşidüp anı Behiştî bülbül efgân eylemiş
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
