236.
- - . / - . - . / . - - . / - . –
1.Hânemde kal didüm gice ol yâre kalmadı
Hayfâ ki gitdi derd-i dile çâre kalmadı
2.Cevr itmek ile sandı ki göñlüm kala o yâr
İtdügine anuñ dil-i bî-çâre kalmadı
3.Çeşmüm ‘alîli oldı ögitdükce tâb-dâr
Ruhsâr-ı yâre tâkat-ı nezzâre kalmadı
4.Tîg-i firâkı itmede her dem derûnı çâk
Sînemde gerçi bir görinür yâre kalmadı
5.Geldi kabâ-yı hüsn ü bahâ kadd-i yâre rest
Andan ‘Atâyî hûblara bir pâre kalmadı
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
