61.
. . - - / . . - - / . . - - / . . –
1.Hançerüñ gerçi dil-i zârı delüp göz göz ider
Nâveküñ yine gelüp geçse dem-â-dem göz ider
2.Hâk-rûb-ı derüñ olmış güzelüm bâd-ı sabâ
Nice aglamayayın kim ser-i kûyuñ yoz ider
3.Meş‘al-i âh ile hâcet mi kalur hurşîde
Müstedâm ola gamuñ gîcemüzi gündüz ider
4.Dâne-i hâl-i ruhuñ sûfi göñülden geçirür
Dilde tesbîhi olur sübhayı elde yüz ider
5.Cevrüñi nazm ile itmişdi ‘Atâyî meşhûr
Gayra lutfuñ işidürse anı da bir söz ider
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
