Mef‘ûlü/ Fâ‘ilâtü/ Mefâ‘îlü/ Fâ‘ilün
Hân-ı visâl ümîdini itme usuñı aç
Zîrâ ne agzuña düşer ey dil senüñ gülâc
Pîr-i mugânuñ ayagına düşdügüm bu kim
Destinde himmet itdüginüñ la‘l olur zücâc
Sûfî diyen mürâ’îye virmek degül zekât
Ben kâdir olsam andan alurdum hele harâc
Olmış çemende lâle siyeh saçlu bir gedâ
Şâhâne gerçi başına ol giyeridi tâc
Devlet degül midür ki Behiştî saña Hudâ
Virdi göñül gınâsı ile sıhhat-ı mizâc
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
