-.-- / -.-- / -.-- / -.-
Halka halka âllar gûyâ ruhuñda bâdedür
Ya semen sahnında düşmiş âteşîn seccâdedür
Rûyuña zülf-i mu‘anber bî-nazîr üftâdedür
Hâl-i müşgîn tekellüfden egerçi sâdedür
Âb u tâba şirketi la‘lüñ kurı gavgâdadur
Var ise reng-i leb-i dil-berine sahbâdadur
Himmet-i ‘âlî-murâd olan o şûhı sevmesün
Yohsa hırmen-i dil-i ‘âşık tarîk-i câdadur
Maksad-ı ma‘nâya râci‘dür o taht-ı nâfede
Nükte-i ezmâr-ı gâ’ib ki zamîrhâdadur
Çeşmüñe müjgânınuñ tîrin kaçan gamzeñ sanur
Dil hedef âmâc-gâh-ı sînede âmâdedür
Çeşm-i fettânuñ gezer her dem sûy-ı agyârda
Gösteriş meyl-i dil-i şûhuñ gürûh-ı yâdadur
Şimdi kânûn-ı belâgatda Sa‘îdâ var ise
Nagme-ârâ-yı hüner kilk-i suhan-pîrâdadur
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
