. - - / - . - - / - . –
 
1.Hâk olursam derd-i ‘aşk-ı sîne-çâkümden benüm
 Âyine düzsün alup ‘aşk ehli hâkümden benüm
2.Eyledüm mahv-ı vücûd ayrı düşelden zerre-vâr
 Sîne-i berrâkı mihr-i tâb-nâkümden benüm
3.Pâk-meşreb pâk-bâzuz pâk-dâmen isterüz
 Olmasun dil-ber mükedder ‘aşk-ı pâkümden benüm
4.Hançer-i hûn-rîz-i gamzeyle bizi korkutmasun
 Kurtılur mı bu dil-i bî-vehm ü bâkümden benüm
5.Yüz sürüp def‘-i gubâr itdüñ ‘Atâyî yârdan
 Sîne saf olup hele geçdi helâkümden benüm
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994